Uncategorized

የሲሚንቶ ፋብሪካዎች በሙሉ የድንጋይ ከሰል እንዲጠቀሙ ታዘዙ

መንግሥት በአገሪቱ ያሉ የሲሚንቶ ፋብሪካች ሙሉ በሙሉ የኃይል ፍላጎታቸውን ከድንጋይ ከሰል እንዲያሟሉ አዘዘ፡፡ የኢንዱስትሪ ሚኒስቴር ለሁሉም የሲሚንቶ ፋብሪካዎች ያሰራጨው መመርያ እንደሚያመለክተው፣ ፋብሪካዎቹ የኃይል ፍላጎታቸውን ሲያሟሉ የቆዩበት የነዳጅ ተረፈ ምርት የሆነው ‹‹ኮክፒት›› እጅግ እየተወደደ በመምጣቱ አዋጭ አልሆነም፡፡

የሙገር የመረጃ ምንጮች እንደሚያመለክቱት፣ ሙገር በዓመት ከሚያወጣው ወጪ ውስጥ 60 በመቶውን የሚወስደው ከነዳጅ ከሚገኘው ኃይል ምንጭ ሲሆን፣ የድንጋይ ከሰል ቢጠቀም ግን ወጪውን በግማሽ ይቀንሳል፡፡

መሰቦ ሲሚንቶም እንዲሁ በዓመት 400 ሚሊዮን ብር ያህል ለኃይል እንደሚያወጣ ያገኘነው መረጃ ይጠቁማል፡፡

በዚህ ምክንያት የድንጋይ ከሰልን መጠቀም አዋጭ ሆኖ በመገኘቱ የኢንዱስትሪ ሚኒስቴር ፋብሪካዎቹ የድንጋይ ከሰል ለመጠቀም ራሳቸውን እንዲያዘጋጁ አዟል፡፡

ኢትዮጵያ ውስጥ ካሉት ነባርና አዳዲስ የሲሚንቶ ፋብሪካዎች ውስጥ በብቸኝነት የድንጋይ ከሰል መጠቀም የሚያስችል የፋብሪካ አደረጃጀት ያላቸው፣ በመንግሥት ቁጥጥር ሥር ያለው ሙገር ሲሚንቶና የቻይናው ኩባንያ ኢስተርን ሲሚንቶ ፋብሪካ ናቸው፡፡

በወጣው አዲሱ የመንግሥት መመርያ መሠረት እነዚህ ሁለት ፋብሪካዎች የድንጋይ ከሰል ለመጠቀም የሚያስችላቸውን አሠራር በፋብሪካቸው ውስጥ እየዘረጉ መሆኑን የሪፖርተር ምንጮች ገልጸዋል፡፡

የፋብሪካዎቹን የድንጋይ ከሰል ፍላጎት ለማሟላት መንግሥት የኢትዮጵያ ነዳጅ ድርጀት ለሁሉም ፋብሪካዎች ማዕድኑን እንዲያስገባ አዟል፡፡ በአገር ውስጥም ለዚሁ አገልግሎች የሚውል የድንጋይ ከሰል በአነስተኛ መጠነ መመረት ጀምሯል፡፡ ከዚህ ቀደም ድርጅቶቹ የኃይል ፍላጎታቸውን የሚያሟሉት የነዳጅ ተረፈ ምርት ከሆነው ‹‹ኮክፒት›› ነው፡፡

አዲስ የተቋቋመው የመንግሥት የግዢ አገልግሎት ድርጅት ለመንግሥት አገልግሎት ብቻ የሚውሉ ምርቶች እንዲያስገባ የተቋቋመ ቢሆንም፣ በኢነርጂ አቅርቦት ሥራዎች ዙርያ የኢትዮጵያ ነዳጅ ድርጅት በቂ ልምድ ያለው በመሆኑ ነው ማዕድኑን እንዲያስገባ የታዘዘው፡፡

ቀደም ሲል የኃይል አቅርቦት ወጪ የናረባቸው መሰቦ ሲሚንቶ፣ ደርባ ሚድሮክና ናሽናል ሲሚንቶ ፋብሪካዎች የራሳቸውን ዝግጅት ሲያደርጉ መቆየታቸው ይነገራል፡፡ መሰቦ ሲሚንቶ ከእህት ኩባንያው ኢዛና ማይኒንግና የፓኪስታን ኩባንያ ከሆነው ትሬድስ ማን ኢንጂነሪንግ ኩባንያ ጋር በመሆን የድንጋይ ከሰል የማውጣት ሥራዎችን ሲያካሂድ ቆይቷል፡፡

ደርባ ሚድሮክና ናሽናል ሲሚንቶ ደርባ ኢስት ኮል ማይኒንግ የሚል አዲስ ኩባንያ በማቋቋም የድንጋይ ከሰል ፍለጋና የማውጣት ሥራ ሲያካሂዱ ቆይተዋል፡፡ አሁን የወጣው መመርያ በአገሪቱ የሚገኙትንና በመቋቋም ላይ የሚገኙት 24 የሲሚንቶ ፋብሪካዎች የድንጋይ ከሰል እንዲጠቀሙ ያስገድዳቸዋል፡፡

 

ምንጭ ሪፖርተር ጋዜጣ

What do you say about this? እርስዎ ምን ይላሉ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s