Uncategorized

የአዲስ አበባ ባቡር መስመር ተላላፊ መንገዶች ዲዛይን ሊሠራ ነው

አዲስ አበባ ውስጥ ይዘረጋል ተብሎ የሚጠበቀው የባቡር መስመር ከሚያልፋባቸው መስመሮች አንዱ በሆነው ከመገናኛ ጦር ኃይሎች ድረስ ባለው መንገድ ላይ፣ ተላላፊ መንገዶች ለመሥራት የሚያስችለው ዲዛይን ሊሠራ ነው፡፡ የዲዛይን ሥራው ኮር ለተባለ አገር በቀል አማካሪ መሐንዲሶች ድርጅት እንደሚሰጥ ተገለጸ፡፡

ዲዛይኑን የሚያሠራው የአዲስ አበባ መንገዶች ባለሥልጣን እንዳስታወቀው፣ ከባቡር መስመሩ ዝርጋታ ጋር የተጣጣመ ዲዛይን ለመሥራት የሚያስችለው ይህ ስምምነት የፊታችን ዓርብ ይፈርማል ተብሎ ይጠበቃል፡፡

ዲዛይኑ ከጦር ኃይሎች ተነስቶ መገናኛ ድረስ ባለው መስመር ላይ በሚያቋርጡ መንገዶች ላይ ተላላፊ መንገዶች ሲኖሩት፣ ባቡሩ ዋናውን መስመር ይዞ እንዲጓዝ የሚያስችል መሆኑን፣ የአዲስ አበባ መንገዶች ባለሥልጣን ዋና ሥራ አስኪያጅ ኢንጂነር ፍቃዱ ኃይሌ ለሪፖርተር ገልጸዋል፡፡

ተላላፊ መንገዶች ከሚሠሩባቸው ሥፍራዎች መካከል ልደታ፣ መስቀል አደባባይ፣ ዑራኤል፣ ሜክሲኮ አደባባይና መገናኛ ዋነኞቹ ሲሆኑ፣ የትራፊክ ፍሰቱ እየታየም በሌሎች አቋራጭ መንገዶች ላይ ተጨማሪ ተላላፊ መንገዶች እንዲሠሩ የሚያስችል ዲዛይን እንደሚሠራ ኢንጂነር ፍቃዱ ገልጸዋል፡፡

ይህንን የመንገድ ዲዛይን የሚሠራው ድርጅት የባቡር መስመሩን ዲዛይን ከሚሠራው አማካሪ ድርጅት ጋር በጋራ በመሆን ሥራውን እንዲያከናውን ይደረጋል ተብሏል፡፡ ተላላፊ መንገዶቹ የባቡር መስመሩ ያለችግር እንዲሠራ ከማስቻላቸውም በላይ፣ በዚያ መስመር ላይ ያለውን ከፍተኛ የትራፊክ መጨናነቅ ይቀርፋል የሚል እምነት አለ፡፡

ኢንጂነር ፍቃዱ እንደገለጹት፣ ለምሳሌ በዑራኤል ቤተ ክርስቲያን አካባቢ ያለውን የትራፊክ መጨናነቅ ለማስቀረት፣ ዋናውን መንገድ ከታች አድርጐ ከላይ አዲስ ተላላፊ መንገድ በመሥራት ተሽከርካሪዎችን እንዲስተናገዱ ማድረግ ግድ ይሆናል፡፡

አዲሱ ዲዛይንም የሚሠራው ይህንን መሠረት አድርጐ መሆኑን ያስታወሱት ኢንጂነር ፍቃዱ፣ ከኮር አማካሪ መሐንዲች ድርጅት ጋር በሚደረገው ውል ዲዛይኑን ከአንድ ዓመት ባነሰ ጊዜ ውስጥ እንዲያስረክብ ይደረጋል፡፡

የዲዛይን ሥራው የተሰጠው ኮር አማካሪ መሐንዲሶች ድርጅት ከዚህ ቀደም ከመገናኛ አያት ድረስ ያለውን የመንገድ ዲዛይንና የሱፐርቪዥን ሥራዎችን ያከናወነ መሆኑም ታውቋል፡፡

በአዲስ አበባ ውስጥ ለመሥራት የታቀደው የባቡር መስመር በሁለት ደረጃ የተከፈለ ሲሆን፣ የመጀመርያው ክፍል 34 ኪሎ ሜትር ርዝማኔ ይኖረዋል፡፡ ይህ ከምሥራቅ ወደ ምዕራብ የሚዘረጋው የባቡር መስመር ከጦር ኃይሎች እስከ አያት ድረስ የሚዘልቀው ነው፡፡

ከሰሜን ደቡብ መስመር ያለው ደግሞ ከዳግማዊ ሚኒልክ አደባባይ በመስቀል አደባባይ አድርጐ ቃሊቲ የሚደርስ ይሆናል ተብሎ ይጠበቃል፡፡

ምንጭ ሪፖርተር ጋዜጣ

Latest Posts

What do you say about this? እርስዎ ምን ይላሉ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s