Uncategorized

ጋሽ ስብሃት ገ/እግዚአብሔር አረፈ፡፡ Sebhat Gebere-egziabher has passed away

ለኢትዮጵያ ስነ ፅሁፍ ታላላቅ ስራዎችን ያበረከተው ጋዜጠኛና ደራሲ ስብሃት ገብረእግዚአብሔር ከዚህ አለም በሞት ተለየ፡፡ ከጥር ሰባት ጀምሮ ታሞ በህክምና ላይ የቆየው ጋሽ ስብሃት  የካቲት 11/2004 ዓ.ም ከሌሊቱ 10 ሰዓት ላይ የህይወት ጉዞው አብቅቷል፡፡ የአምስት ልጆች አባት የነበረው ደራሲ ስብሃት ገብረእግዚአብሔር 76ኛ አመት የልደት ሻማውን ለማብራት የቀሩት 2 ወራትና ጥቂት ቀናት ነበሩ፡፡    ሚያዚያ 27  ቀን 1928 ዓ.ም–  የያኔው ባለቁንጮ ህፃን የአሁኑ የስነ ፅሁፍ ቁንጮ ወደዚች አለም የመጣባት እለት፡፡

ጋሽ ስብሃት ሌቱም አይነጋልኝ፣ትኩሳት፣ሰባተኛው መልዐክ፣እግረ  መንገድ፣እነሆ ጀግና፣ የፍቅር ሻማዎች፣ አምስት ስድስት ሰባትን በመሳሰሉ ስራዎቹ በርካታ አድናቂዎችን ማትረፍ የቻለ የኪነ ጥበብ ሰው ነበር፡፡

አድዋ ውስጥ የተወለደው ጋሽ ስብሃት በተለያየ ጊዜ ካሳተማቸው ድንቅ መፅሃፍቱ በተጨማሪ በአዲስ ዘመን እና ኢትዮጵያን ሄራልድ ጋዜጦች እንዲሁም መነን መፅሄትን በመሳሰሉ የህትመት ውጤቶች ላይ በርካታ ፅሁፎችን አስነብቧል፡፡

በናቹራልስቲክ የአፃፃፍ ዘዴው የሚታወቀው ጋሽ ስብሃት በሀገርኛ ወግ ባህል በስውር ይደረጌ እንጂ በግልፅ አይነገሬ የሆኑ ርዕሰ ጉዳዮችን ግልጥልጥ አድርጎ በማቅረቡ በብዙዎች ረገድ ለየት ያለ ሰው እንደሆነ ይታመናል፡፡

“ሌሊቱ ተጀመረ፡፡ የመተቃቀፍ፣ የመቆላለፍ፣ የመታገል ሌሊት፡፡ በሀይል የመተንፈስ፣ የማቃሰት፣ የማለክለክ ሌሊት፤ የሙቀት የወበቅ የምትጨንቅ ሌሊት፣ ትኩስ የወበቅ ሌሊት፣ የላብ ሌሊት፣ የመሳሳም ሌሊት፣ የመላላስ ፣ የመጣባት፣ የመናከስ ሌሊት . . .” ( ሌቱም አይነጋልኝ )

በአንድ ወቅት ባደረገው ቃለ ምልልስ  በሌቱም አይነጋልኝ እና በትኩሳት ልብ ወለዶች ላይ የፃፍካቸው ወሲባዊ ነገሮች ትክክል ናቸው ብለህ ታስባለህ ወይ? ተብሎ ለተጠየቀው ጥያቄ የሰጠው መልስ አጭርና አስገራሚ ነበር፤ “ያልተደረገውን አልፃፍኩም”፡፡

“እኛ የመሬቶቹ ማለምና ማቀድ፣ እነዚያ የሰማያቱ መፈፀም፡፡ ይሄ የምታነቡት “ ሌቱም አይነጋልኝ” የመጀመሪያው የልቦለድ ስራዬ ሲሆን፣ ሰማይ ቤት በታዘዘልን ውል መሰረት ደምሴ ፅጌ ሰፋ ያለ የአርትኦት ስራ አካሂዶበት ለህትመት ያበቃው የመጨረሻው ስራዬ ሆነ፡፡ . . . ደምሴ ያን ሁሉ ሥራ ችክ ብሎ ስለተጠመደበት እዚህ አድርሶታል፡፡ ከእኔም ከእናንተም ልባዊ ምስጋና ይገባዋል፡፡ እረ ምስጋና ሲያንሰው ነው! ሰማይ ቤት ስንገናኝ የምሸልመውን ሽልማት የማውቀው  እኔ ነኝ፡፡”  ብሎ ነበር ጋሽ ስብሃት በመፅሃፉ መግቢያ ላይ ባሰፈረው ፅሁፍ፡፡

ታዋቂው ብዕረኛ ደምሴ ፅጌ ከአንድ አመት በፊት በኩላሊት ህመም ህይወቱ አልፏል፡፡ አሁን ሽልማቱ ምን እነደሆነ የሚያውቅ ሌላ ሰው ይኖራል ማለት ነው፡፡ ሸላሚው ጋሽ ስብሃት ብቻ ሳይሆን ተሸላሚው  ደምሴ ፅጌም ጭምር፡፡

6 thoughts on “ጋሽ ስብሃት ገ/እግዚአብሔር አረፈ፡፡ Sebhat Gebere-egziabher has passed away

  1. Ww lost a Great Dimoned Ethiopian One of a kind Man Ethiopa never have and never will that kind of unique man again ever! i feel blessed to have him in my Generation .rest in Peace. u will be missed.

What do you say about this? እርስዎ ምን ይላሉ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s