East Africa

የ40/60 «ወሬ» አዲስ አበባን መቶ በመቶ ሲያምሳት ከረመ

ከ40/60 ፕሮግራም ቀደም ብሎ የተጀመረው የጋራ ቤቶች ልማት ፕሮግራም

በየቀበሌው ድብድብ ቀመስ ግን ግድያ ቀረሽ ግፊያና ወረፋ፤ አዲስ መታወቂያ ፍለጋ፣ ነባሩን ማሳደስ፣ ያላገባ ሰርተፍኬት ፍለጋ . . .በዚህ የተነሳ የየቀበሌው ሰራተኞች መደበኛ ስራቸውን ሁሉ ትተው ይህንኑ ጉዳይ ብቻ ለማስተናገድ እስከመገደድ ደርሰዋል፡፡

በየታክሲ ተራው «አዲሱ የ40/60 ፕሮግራም መረጃ አንድ አንድ ብር፡፡ እንዳያመልጥዎ . . . »

አንዳንዶችማ ከየት እንዳመጡት ባይታወቅም የመመዝገቢያ ቅፅ ሁሉ ይዘው ነበር፡፡

ማን እንዳወራው ባይታወቅም ቅዳሜ ይጀመራል ተብሎ ሲወራ ለነበረው የ40/60 ቤቶች ልማት መርሐ ግብር ምዝገባ ሀሙስ እለት ጀምረው ፍቃድ የጠየቁ የመንግስትና የግል ተቋማት ሰራኞች፣ ምዝገባው ይካሄድባዋቸል በተባሉ የንግድ ባንክ ቅርንጫፎች ሁለት ቀን ቀደም ብለው ለመሰለፍ ቆርጠው የተነሱ ሰዎች፣ በየባንኩ ወረፋ ይዘው ስለመሸጥ የሚመካከሩ …ብቻ ምናለፋችሁ በተለይ ረቡዕና ሐሙስ እለት አዲስ አበባችችን አዲስ አበሳ ስታይ ነው የዋለችው፡፡

ሁኔታው አሳሳቢ በሆነ መልኩ እየተባባሰ ሲሄድ ሐሙስ እለት ከሰዓት በኋላ ከወደ ንግድ ባንክ አካባቢ ተረጋጉ የሚል መረጃ በመገናኛ ብዙሃን ተነገረ፡፡ህብረተሰቡ መሰረት በሌለው ወሬ ተነሳስቶ መጉላላት የለበትም፣ ይፋዊ መግለጫ እስከሚሰጥ ድረስ በትዕግስት ይጠብቅ አሉ የባንኩ የህዝብ ግንኙነት ኃላፊ፡፡ አርብ ጠዋት ለአፍታም ቢሆን አዲስ አበባችን ተንፈስ አለች፡፡

እኔ ግን አሁንም ስጋት አለኝ . . .

በእግር ኳስ ፍቅር የከነፉ አዲስ አበቤዎች ካምቦሎጆ ለመግባት የሚያደርጉትን ፍጅት መቼም ሁላችንም እናውቀዋለን፡፡ በቤት ክራይ እና በቤት እጦት የተቃጠሉ ነዋሪዎችስ ከእለት ጉርሳቸው ቆጥበው ኮንዶሚኒየም ለመግባት እንደምን ይታገሉ ይሆን፡፡ መገመት አያዳግትም፡፡ ስለዚህ ሊታሰብባቸው ከሚገቡ ነገሮች አንዱ ምዝገባውን እንዴት በሰላም ማካሄድ ይቻላል የሚለው መሆን አለበት፡፡

ሌላው ነገር በአንድም ሆነ በሌላ መንገድ ቤት ያላቸው ሆነው ይህንንም እድል ለመጠቀም የማይቆፍሩት ድንጋይ የሌለ ባለቤቶችና ባለ ሀብቶች ጉዳይ ነው፡፡ ለዚህም ምዝገባ ከመካሄዱ በፊት ጎጆ አልባ ነዋሪዎችና ባለጎጆዎቹ ተብጠርጥረው የሚጣሩበትን አስተማማኝ ስርዓት መዘርጋት ያስፈልጋል፡፡ ለዚህ ደግሞ መንግስትና ህዝብ የምር ተቀራርበው መስራት አለባቸው፡፡

ማንኛውም የሀገር ሀብት እና የልማት ፕሮጀክት ውጤታማነት ከሚመዘንባቸው ነገሮች አንዱ ፍትሃዊ በሆነ እና ከማናቸውም ያልተገቡ ድርጊቶችና ሸፍጦች በፀዳ መልኩ ለታለመለት አላማ መዋል አለመዋሉ ነው፡፡

ቸር ወሬ ያሰማን!

በፍቃዱ በየነ

What do you say about this? እርስዎ ምን ይላሉ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s