Uncategorized

ሀይቅን ለእነ ባህር ዳር ብቻ ማን ሰጣቸው? አዲስ አበባም ሀይቅ አላት

Addis-Abeba

ከባህር ዳር ወደ አዲስ አበባ በምናደርገው የመልስ ጉዞ ቦሌ አለም አቀፍ አውሮፕላን ማረፊያ አየር ክልል ውስጥ ስንገባ አጠገቤ የነበረችው አሜሪካዊት አዲስ አበባን በተመስጦ ቁልቁል ታያታለች፡፡ ይቺ ሴትዮ በዚህ በጨለማ ምን አይታ ነው እንደዚህ የተመሰጠችው ብዬ እኔም አንገቴን ወደ መስኮቱ ሰገግ አድርጌ ስመለከት ገርጂ አካባቢ መብራት ጠፍቶ ሰፈሩን ጨለማ ውጦታል፡፡

ለእኔ ለአዲስ አበቤው ይሄ ምንም አላስደነቀኝም፡፡ ለመጀመሪያ ጊዜ ኢትዮጵያን ለማየት መጥታ ባህር ዳር ከርማ እየተመለሰች ያለችው አሜሪካዊት ግን ከሺዎች ጫማ ከፍታ ላይ ጥቁር ብሎ የሚታየው ሰፈር ሀይቅ መስሏታል፡፡ ከምሽቱ 1 ሰዓት አካባቢ ከባህር ዳር ስንነሳ ጣና ሀይቅ አልፎ እልፎ ዳርዳሩን ጭል ጭል በሚሉ መብራቶች ተከቦ በማየቷ ይሄም ተመሳሳይ ሁኔታ እንደሆነ ገምታለች፡፡

እርግጠኛ ለመሆን ግን ወደ እኔ ዞር ብላ
“What is that? Do you have a lake in Addis?” አለችኝ፡፡ የእለቱ መብራት ( ማለቴ መጥፋት) ተረኛ የሆኑት የገርጂ አካባቢ ሰዎች አሳዘኑኝ፡፡ በጭለማ መዋጣቸው ሳያንስ በውሃ መዋጣቸውን ሳይሰሙ፡፡ ሴትየዋ መልሴን እየተጠባበቀች ነበር፡፡
ትንሽ አሰብ አደረኩና
“Yes and that is called the dark lake.” አልኳት፡፡ በሆዴ ግን አንቺ ምና አለብሽ በእኛ ላይ ሙድ ያዥ እንጂ እያልኩ ነበር፡፡
“Oh it is like the dead sea.” አለችኝ፡፡ በትክክል ምን ለማለት እንደፈለገች ወይም ደግሞ መብራት አጥቶ በጭለማ የተዋጠው ሙት መንደር ምኑ ሙት ባህርን እንደሚመሰል ሊገባኝ አልቻለም፡፡

ከዚህ በላይ ሴትየዋ የተሳሳተ መረጃ ይዛ እንድትሄድ አልፈለኩም፡፡ በዛ ላይ ደግሞ ነገ በጠራራ ፀሃይ የጨለማውን ሀይቅ (Dark Lake) አሳዩኝ እያለች አዲስ አበባን ስታካልል ትዋል እንዴ፡፡ ሀቁን ነገርኳታ፡፡

“ይሄ በእርቀት ሆነን ስታይው ሀይቅ የመሰለሽ ነገር ውሃማ አካል አይደለም፡፡ ይልቁንስ መብራት ባለመኖሩ ጨለማ የዋጠው መንደር ነው” አልኳት፡፡ አስቀድሜ የነገርኳትን አስታውሳ ምን ለማለት እንደፈለኩ ስለገባት ነው መሰለኝ ፈገግ አኘች፡፡ “Oh Dark Lake, so funny” አለች፡፡

እኔ ግን ገፅታችንን ላለማበላሸት ስል ሰፈሩ መብራት አልባ የሆነው ዛሬ ለመጀመሪያ ጊዜ ነው፡፡ አዲስ አበባ ውስጥ ተጋኖ የሚወራ የሀይል አቅርቦት ችግር የለም፡፡ ቢኖርም በኃይል ማስተላለፊያ መስመሮች ላይ በሚፈጠር የቴክኒክ ችግር ነው ምናምን ልላት አሰብኩና ሲደክመኝ ተውኩት፡፡ በዛ ላይ ደገሞ የፈጠራ ስራዎች መብት (patent right) የሚባል ነገር አለ….

ሁሉም ሀይቅ ሀይቅ ይላል ይሄ ሀይቅ ብርቁ
እኛም ሀይቅ አለን የሚታይ በሩቁ
እያልኩ ከአውሮፕላን ወረድኩ፡፡

(በፍቃዱ በየነ)

Read More from the blogger,
የሴቶች 5000 ፍፃሜን እኔ እንዳየሁት እናንተ አትዩት
ስንት ሰው ባዶ እግሩን በሚዳክርባት ሀገር ስለ ሩኒ ጫማ አውልቆ በካልሲ መሄድ ማውራት ስድብ አይደለምን

What do you say about this? እርስዎ ምን ይላሉ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s